| إستفاق الشوق مع نار الشجون | وإستباح الهم دمعي في جفاك |
| ذكّرتني بك حبيبي ه الطعون | حتى جرحي في غيابك مانساك |
| في مساء الشوق زارتني ظنون | قمت أهوجس بك ويطري لي هواك |
| ما أصدّق قلبي الوافي يخون | كم يخونك مع طيوفك لاطراك |
| طيفك اللي زارني وقت السكون | ماحكى لك عن عذابي وعن غلاك؟ |
| ماحكى لك كيف ياغالي أكون | لا طرالي زولك الزاير هناك |
| ماني عارف ذي محبه أو جنون | في غيابك ماخذ(ن) عقلي معاك |
| ياحبيبي خابرك دايم حنون | من يداوي جرحي النازف سواك؟ |
| شاعرك تعبان من نوح العيون | مابقى به شي ماصاح وبكاك |
| دمعه اللي مايهون ولك يهون | إنحنى مجروح يتوسّل وفاك |
| من غلاتك لوتخونه لك يصون | ولو تصونه عمره الباقي فداك |
| محتونّك بالوفا بين الجفون | مايبي من دنيته إلا ّ رضاك |
| صار لك مثل السحايب والمزون | يمطر إحساسه محبه في سماك |
| إنته في دنياه أزهار وغصون | وصار في دنياك شريانك وماك |
| لو جرحته قال: ينعاني يمون | حبّتي هالعين..يامحسن خطاك |
| ياوليفي مهما دارت ه السنون | يبقى قلبي دايما ً يحفظ هواك |
| ولو نسيتك بك تذكّرني الطعون | كيف أبنسى دام جرحي مانساك |
| تدري صدّك يشعل الخافق شجون | ويستبيح الشوق دمعي في جفاك |
* |
ينعاني: مفرده صوريه قديمه وتستخدم في أكثر من منطقه ولأكثر من غرض وهي في الغالب تكون قريبة المعنى من ((يابعدي)). |
حبّتي:مفرده صوريه وهي تعني حبيبتي ولكن طرأ عليها بعض التصغير |
