أطهر جروح الغرام

يا أطهر جروح الغرام ، شكرا ً على آخر جروح	توني عرفت إن القلوب ، ماهي سوى لعبة غرام
لو كان عندك لي عذر، قوله وخلّيني أروح	أو تدري يا أقسى ألم ، إرحمني من هدر الكلام
وفّر على نفسك عذاب هم الملامه والشروح	ولو كان هجري يجرحك ، آسف كثر ذل الهيام
إرحل وحل المشكله والمشكله مابي أبوح	أخشى إذا هاج الشعور ، ماتحتمل مني الملام
مالي سوى هجرك أمل ، مابي سوى بعدك طموح	وشلون يجمعنا الهوى ، دام المشاعر في خصام
مايجتمع كذب الشعور ، مع رقة أزهار الوضوح	والنور يطرد لاظهر من ه المدى كل الظلام
دع مامضى يمضي ولاتطري لي ف الجد المزوح	الجد وقت(ن) للجراح وللرماح وللحسام
قل ماتريد وإرحل وخل كل المشاعر بك تنوح	مهما تقول كل الحلول طارت مثل سرب الحمام
يعني بكيت ولاّ شكيت أو ماتت بقلبك فروح	أحمد نسى جرحك ورد الجرح لك هجر وسلام
حتى السلام ، لولا الملام ولولا سخط رب(ن) سموح	بستكثره..قلته كره..ماأنكره وسط الأنام
إيه إختلفنا بالعطا ، لين إتفقنا ف الجروح	واليوم يومك يافراق والليل للدمعه لثام
ولو كان عندك لي عذر ، قوله وخلّيني أروح	أو تدري يا أقسى ألم ، ماعاد ينفعنا الكلام