مأساة الحب من طرف واحد

اسمحولى اتكلم عن مأسه الحب من طرف واحد
واسمحولى اتكلم فى الموضوع ده وانا بسرد حكايتى
انا كنت معجبه بزميل ليا معايا فى نفس الكليه من 3سنين ومكناش قريبين من بعض
بس بمرور الوقت بدءت انا اتشد له وبدء هو يلاحظ كده
المهم من اللحظه دى بدء يتغير معايا وبدء يبعد عنى ويحاول يتهرب
بصراحه كان بيحاول يبعد عشان ميعلقنيش واحترم مشاعرى جدا ومحاولش يجرحنى ولا يتكلم معايا فى الموضوع خالص وبعد عنى تماما
بصراحه كبر اوى فى نظرى وحبيته اكتر...... بس انا مقدرتش انى ابعد عنه وحاولت انى اتقرب منه
وكنت عاوزه اننا نبقى اصدقاء على الاقل .....بس هو كان بيبعد بس انا كنت كل يوم بتعلق به زياده
المهم انى قررت انى اعترف له انى بحبه(وانا عارفه انى غلطت) وكان رده عليا انه هو مش بيبادلنى اى شعور وانه مرتبط واسوب كلامه كان جارج الى حد ما طبعا انا اتصدمت من رده واتجرحت جدا وللاسف انفعلت عليه ورديت عليه باسلوب مش كويس لانه جرح كرامتى وبعدت انا عنه
وبعد فتره بدءت احس انى غلطت لما انفعلت عليه وقررت انى اكلمه عشان اعتذر له وهو كلمنى باسوب كويس جدا وبعد كده اتكررت بنا المكالمات وقربنا من بعض واتفقنا اننا نكون اصدقاء فقط وانا دلوقتى بقالى 3 سنين بكلمه كاخوات واصدقاء وعلاقتنا مستمره مع اننا اتخرجنا من الجامعه
بصراحه انا بتعذب وانا بكلمه ومش قادره ابعد عنه وفى نفس الوقت مش قادره ابص لمستقبلى وافكر فى حد عيره
هو عارف انى لسه بحبه وده جارحنى اوى
حد يقولى اعمل ايه مع العلم انى حاولت كتير اوى انى ابعد عنه بس فى الاخر كنت بضعف وبرجع تانى احن له

فعلا احساس صعب اوي وانا مجرباه ابل كدة احساس الحب من طرف واحد واحساس فظيع ومؤلم اوي شكرا ادمن على الموضوع الجميل Embarassed

مشكورا على اهتمامك وعلى فكره محدش خلاص وعد من الحب من طرف واحد مأساة الحب من طرف واحد 26251

الحب من طرف واحد صعب جدا

» مقياس الحب - قيس درجة حبك - نسبة التوافق - مقدار الحب - درجة الحب
» الانسان قبل الحب وبعد الحب
» حكم في الحب
» ما هو الحب؟؟
» فيض الحب