| يقولون الكذب خيبه، وأنا ماني ترى كذّاب | أنا لاقلت بك مغرم، تأكد إني بك مغرم |
| كذا لله في لله أحبك موووت، ودون أسباب | ودوم الآدمي رزقه، يجي من حيث لايعلم |
| حبيبي ليش متضايق وقلبك خايف ومرتاب؟ | فديتك ريّح أعصابك، ولاتشقى ولاتهتم |
| أبد لايزعجك حولي، حبيبي كثرت الأصحاب | أنا مايشغل إحساسي، ولا واحد أبد منهم |
| أنا أدري خوافقهم تذوب بحضرتي إعجاب | وأدري بس يتمنّوا، تخيّل لو أكلّمهم |
| أنا ماني ترى عاشق جديد بعالم الأحباب | أنا خايض بحور العشق، ومتمرس ومتعلم |
| أحب الصدق وأعمل به، وفيّ(ن) والوفا غلاّب | أجود بمقلتي للي جرى بالقلب مجرى الدم |
| أنا لامن هويت إنسان، أشيله داخل الأهداب | يكون الواقع بدنياي، وحلمي لا بديت أحلم |
| حبيبي لاتعذّبني، وتفتح للألم أبواب | دخيلك إرحم إحساسك، ولاتبكي وتتألم |
| تعال إرتاح من همك،،تعال بطبعك الجذّاب | وسولف لي عن أخبارك، وغنّي لي وخلّي الهم |
| أبي تحكي..أبي تفرح..أبي تضحك ولاترتاب | ترى كل العفيه لو ضحك محبوبي تترنم |
| هذاك اللي جماله غير وحسنه يسلب الألباب | يعذّبني إذا عدّا علّي طايف ولاسلّم |
| صغير السن ويتغلّى، وغرّبلني وراسي شاب | تعبني بالدلال اللي غدى لامر ولاسمسم |
| يشكك في غرامي له...يأثر به حكي الأغراب | صغير السن جنني، ولايرضى أبد يفهم |
| بأني شاعر(ن) عاشق..خبير بعالم الأحباب | أجود بمقلتي للي جرى بالقلب مجرى الدم |
| وإني لاهويت إنسان، أحطّه داخل الأهداب | يكون الواقع بدنياي، وحلمي لا بديت أحلم |
| حبيبي ريّح أعصابك، أنا ماني ترى كذّاب | أنا لاقلت بك مغرم، تأكد إني بك مغرم |
